OVERVIEW OF PREX

ANO AN PREX?

               PREX, Halipot na tataramon kan PARISH RENEWAL EXPERIENCE, sarong experiensya nin pagbabago,  an pagdiskubre guiraray kan satong pagtubod, sarong pagiromdom kan pagigi niatong myembro kan Simbahan. An PREX bakong bagong organisasyon o bagong sosyedad; dai kaini rurumpagon an mga existidong grupo asin mga komunidad. Manongod ini sa parokya na nagbabago sa sadiri, sarong lakdang pasiring sa pakasabot na an parokya bakong “ kita sana” asin “sinda sana”, alagad sarong pamilya na nabubuhay pano nin pagkamoot sa lambang saro.

ANO AN  KAMAWOTAN KAN PREX?

1. Masimbagan an mga naghahanap nin direksyon asin paagi na mapakusog asin mapararom pa an pagsabot kan buhay sa parokya.
2. Matawan ang mga taga parokya kan tunay na namit kan satong dignidad bilang miembro kan Hawak ni Kristo; maponan na magkomitir na mabuhay para sa lambang saro bilang Simbahan.
3. Magkaigwa nin hararom na espiritualidad bilang simbag sa paghanap nin makahulugan na paagi na ma experiensyahan an presensya nin Diyos sa satong Buhay.
4. Mangapodan sa mga tawo na mag ebangelisar- na madara an katokdoan kan Vatican II sa pinakahababa; na maihanda an katawohan na magdara kan Marhay na Bareta sa gabos na estado nin katawohan asin sa paagi kan impluwensya kaini, mabago an katawohan hale sa laog asin ginigibong bago asin;
5. Pagsararoon an yaon sa Parokya asin gabos  na mga movimientos o grupo sa laog kaini.

Kasabay kan kamawotan na ini, an seminar na ini nakatutok na madiskubre giraray an mga minasunod:

1. An satong relasyon duman sa mga nagtao sato kan pagtubod.
2. An dahilan kun nata padagos asin danay kita sa satong pagtubod; asin
   1. An direksyon na sarabay niatong gigibohon tanganing maiheras an pagtubod sa iba.

    

   KASUARIN ASIN PANO NAGPOON AN PREX?

   An Parish Renewal Experience Seminar nagpoon kan taong 1970, kan tiponon  ni Rev. Fr, Chuck Gallagher, SJ, an sarong grupo nin mga kapadean asin layko tanganing paghorop-horopan an sinurat ni Pope Paul VI na an titulo, “Evangelii Nuntiandi” na nagsasabing “ An Simbahan an Nageebangelisar, alagad minapoon ini sa pag ebangelisar sa sadiri sa paagi nin danay na conversion asin pagbabago, tanganing maninigong tubudan ini sa pag ebangelisar sa mundo.”

                  Sa pagtiripon na ito, naging klarado na tanganing marealisar ang pag ebangelisar, dapat ining nakatutok sa tawo asin dapat magpoon  sa sarong experiensya nin conversion na nakabase sa parokya an pinakasadit na istruktura kan Simbahan na Katoliko, siring man an ebangelisasyon dapat magpoon sa pamilya an pinakasadit na istruktura kan sosyedad. Sa arog kaining kaisipan, nagmukna nin mga giya asin direksyon para sa “weekend parish program”.

                  An pinakaenot na PREX seminar itinao sa Diocesis kan Trenton, New Jersey, USA, hale digdi, an weekend experience nakalakop sa rinibong parokya sa Estados Unidos, Ireland, Canada, Australia, New Zealand. England, Scotland, Fiji, Singapore, asin digdi  sa Pilipinas, 1200 man na kura paroko an nag aradal tanganing makatao man sinda kan “weekend experience” sa mga katawohan sa sadiri nindang mga parokya

                  An pag aradal kan mga kura paroko sa Pilipinas, ginibo sa Baguio City kan taon 1983, na itinao mismo ni Fr. Chuck Gallagher sa imbitasyon ni dipuntong  Jaime Cardinal Sin, na grabeng an kaogmahan asin na inspirar sa nahiling na naging resulta kan PREX sa mga parokyano kan Sanctuario de San Antonio sa Forbes Park.

                  Digdi sa satong Diocesis nagpoon an PREX  kan taon 1991 sa Parokya ni San Lorenzo,sa Tiwi, Albay sa tabang kan Immaculate Concepcion Parish kan Naga City asin sa Parokya ni San Miguel sa Oas  kan 1994,  sa tabang man ni Msgr. Priela kan  Parokya ni San Rafael Arkangel. Pili, Cam Sur.